के भोलीदेखि धरानका शैक्षिक संस्था बन्द होलान् ? परिक्षा स्थगित हुन्छ कि चल्छ ?

  • प्रकाशित मितिः बैशाख 6, 2078
  • 687 पटक पढिएको
  • औजार संवाददाता

धरान । सरकारले ४० स्थानीय तहमा स्कुल, कलेजसहितका शैक्षिक संस्था बन्द गर्ने निर्णय गरेको छ ।

पछिल्लाे समय बालबालिकामा समेत काेराेनाकाे संक्रमण दर बढ्न थालेपछि सरकारले शैक्षिक संस्था बन्द गर्ने निर्णय गरेकाे हाे । मन्त्रिपरिषद्को सोमबार बसेको बैठकले वैशाख मसान्तसम्म शैक्षिक संस्था बन्द गर्ने निर्णय गरेको हो । यसअनुसार काठमाडौं उपत्यकाका सबै महाहानरपालिका र नगरपालिकाका विद्यालयहरु बन्द हुनेछन् । जसमा लितपुरको कोन्ज्योसोम, बाग्मती र महांकाल गाउँपालिकालाई समोवश गरिएको छैन ।

राजधानी बाहिर विराटनगर, वीरगञ्ज, भरतपुर र पोखरा महानगरपालिका तथा इटहरी, धरान, जनकपुर, हेटौंडा, बुटवल, घोराही, तुलसीपुर, नेपालगञ्ज र धनगढी उपमहानगरपालिकामा पनि वैशाख मसान्तसम्म शैक्षिक संस्था बन्द हुनेछन् ।

मेचीनगर, विर्तामोड, दमक, राजविराज, बनेपा, धुलिखेल, सिद्धार्थनगर, वीरेन्द्रनगर र भीमदत्तनगर नगरपालिकामा पनि शैक्षिक संस्थामा विद्यार्थी भौतिक रुपमा उपस्थित नभई वैकल्पिक विधिबाट शैक्षिक गतिविधि गर्नुपर्नेछ ।

धरानमा भोलीदेखि बन्द शैक्षिक संस्था बन्द हुने
धरानमा भोलीदेखि नै शैक्षिक संस्था बन्द हुने धरान उपमहानगरपालिकाका शिक्षा महाशाखा प्रमुख रत्नबहादुर कटवालले जानकारी दिनुभएको छ । कटवालका अनुसार हिजो आइतबार उपमहानगरपालिकामा भएको बैठकमा केन्द्र सरकारले गर्ने निर्णयका आधारमा अघि बढ्ने निर्णय भएको थियो । हिजो भएको बैठकले जेठको पहिलो साता भित्र सबै विद्यालयले वार्षिक परिक्षा सक्ने समेत निर्णय भएको थियो । केन्द्र सरकारले धरानका समेत शैक्षिक संस्था बन्द गर्ने निर्णय आजै गरेपछि धरानमा भोलीदेखि शैक्षिक संस्था बन्द हुने भएको हो । शिक्षा शाखा प्रमुख कटवालले अनलाइनबाट भने विद्यालयहरुले कक्षा सञ्चालन गर्न सक्ने जनाउनु भएको छ ।
यता एसिसि धरानका अध्यक्ष राजेन्द्र गुरुङले भने धरानमा कोरोनाको प्रभाव नदेखिएकोले शैक्षिक संस्था बन्द नगर्दा पनि हुने बताउनु भयो । उहाँका अनुसार विद्यालयहरुले चाडै वार्षिक परिक्षा सकेर विदा दिदा उपयुक्त हुन्छ ।

सुरक्षा मापदण्ड अपनाए परिक्षा गर्न पाइने
सरकारले पूर्ण रुपमा सुरक्षा मापदण्ड अपनाएर परिक्षा सञ्चालन गर्न भने छुट दिएको छ । मास्क र सेनिटाइजर अनिवार्य प्रयोग गर्ने, एउटा क्लासमा न्युन विद्यार्थी राख्ने र भौतिक दुरी कायम गरी परिक्षा सञ्चानल गर्न सकिने सरकराले जनाएको छ । धरान उपमहानगरपालिकाका शिक्षा महाशाखा प्रमुख रत्नबहादुर कटवालले पनि परिक्षाकालागी सुरक्षा मापदण्ड अपनाए बाधा नहुने बताउनु भयो ।

 


स्वास्थ्य समस्या भएर अस्पताल जान डर लागिरहेको छ ? अब फोनबाटै लिनुहोस् स्वास्थ्य परामर्श (मोबाइल नं. सहित)

धरान । नेपाल स्काउट एक नं. प्रदेश तदर्थ समितिको अगुवाईमा विशेषज्ञ चिकित्सकहरुद्वारा परामर्श दिने गरी हेल

दाेस्राे दिन राष्ट्रिय युवा संघ, धरान उप-महानगरद्वारा सुरक्षाकर्मीलाई फेस् सिल्ड, माक्स तथा सेनिटाइजर वितरण

धरान । कोरोना माहामारीका समयमा राष्ट्रिय युवा संघ नेपाल, धरान उपमहानगर कमिटिले धरानमा बढ्दै गएको कोरोना

सभामुख अग्नी सापकाेटाले व्यक्तिकाे नाममा गराएकाे सर्दु जलाधारकाे जग्गा फिर्ता ल्यायाे सरकारले

काठमाडौं । पदीय दुरुपयोग गरी सभामुख अग्नि सापकोटाले आर्थिक लाभ लिएर सुनसरी जिल्लाको धरानस्थित सुर्दु जल