इन्सेको वार्षिक प्रतिवेदन : एक वर्षमा ७७ जनाको हत्या

  • प्रकाशित मितिः फाल्गुन 8, 2076
  • 303 पटक पढिएको
  • औजार संवाददाता

विराटनगर । वुधबार मानव अधिकारबादी संस्था अनौपचारिक क्षेत्र सेवा केन्द्र (इन्सेक)ले २८ औ संस्करणको २०२० वर्ष पुस्तक सार्वजनिक गरेको छ ।
बुधबार विराटनगर स्थित प्रदेश १ को कार्यालयमा पुस्तक सार्वजनिक गरिएको हो । पुस्तकले मानव अधिकार उल्लङ्घन तथा ज्यादतीका घटनाको अभिलेख राख्ने र पीडितको न्याय प्राप्तिमा सहयोग पु¥याइ रहेको छ ।इन्सेकका अनुसार सन २०१९ भरि प्रदेश १ मा ८ सय ५५ जना मानव अधिकार उल्लङघन र ज्यादतीका घटनाबाट पिडीत भएका छन् ।०७५ पुस १७ देखि ०७६ पुस १६ सम्ममा प्रदेश १ मा गिरफ्तारका घटनामा ८३, महिला अधिकार उल्लङ्घनका घटनामा ३ सय ३५, हत्याका घटनामा ७७, बालअधिकार उल्लङ्घनका घटनामा ३ सय १ जना पीडित भएको इन्सेकको तथ्याङमा छ ।इन्सेकको अभिलेख अनुसार राज्य पक्षबाट २ जनाको हत्या, ४ जनामाथि कुटपिट, ६ जना कुटपिटबाट घाईते, ८३ जना गिरफ्तार, अभिव्यक्ति, भेला तथा संगठित हुने अधिकारबाट एक जाना र हिरासतमा एक जानको मृत्यु भएको छ ।सन् २०१८ मा यस प्रदेशमा ७ सय ८७ जना मानव अधिकार उल्लङघन र ज्यादतीका घटनामा पीडित भएका थिए ।

जसमा राज्यपक्षबाट ६१ जना पीडित भएका थिए ।महिला अधिकार उल्लङ्घनका घटनामा ४ सय १९ जना ,जातीय विभेदका घटनामा चार जना, गरिफ्तारीमा घनटनामा ४३ जना, बाल अधिकारका घटनामा २ सय ३९ जना पीडित भएको इन्सेकले अभिलेख गरेको थियो । २०१७ मा भने ६ सय ९४ जना मानव अधिकार उल्लङघन र ज्यादतीका घटनामा पीडित भएका थिए । इन्सेकका प्रदेश १ का प्रतिनिधि मध्ये उत्कृष्ट उदयपुरका भरत खडकालाई सो अवसरमा पुरस्कृति गरिएको थियो ।उनलाई सात हजार नगद सहित दोसल्ला र कदर पत्रले सम्मान गरिएको थियो । उनलाई सांसद अम्बिका थापाले पुरस्कार प्रदान गरेकी थिइन् ।कार्यक्रममा मानवअधिकार आयोग प्रदेश १ प्रमुख मोहनदेव जोशी, प्रेस संगठनका केन्द्रिय सदस्य गणेश लम्साल, दलित गैरसरकारी सँस्था महासंघका केन्द्रिय सचिव उमेश विश्वकर्मा ,मानवअधिकार संजाल विराटनगरका अध्यक्ष डिकप्रसाद घिमिरे , अधिकार कर्मी मञ्जिता उपाध्याय लगायतले मन्तव्य राखेका थिए ।


धनकुटा ७ मा टोलटोल सम्म कांग्रेस

धरान, १७ साउन, धनकुटाको टोल टोल सम्म नेपाली कांग्रेसको सदस्यता वितरण गरी सवै टोलहरुमा टोल समिति गठन गरी नय

सभामुखद्वारा इदउल अजहाकाे अवसरमा शुभकामनमा

धरान । १ नं. प्रदेशका सभामुख प्रदीपकुमार भण्डारीले एक शुभकामना सन्देश जारी गर्दै इद उल अजहाको अवसरमा शुभक

काँग्रेस केन्द्रीय महिला विभाग सचिवमा धरानकी लक्ष्मी खतिवडा

काठमाडौं । नेपाली काँग्रेसका सभापति शेरबहादुर देउवाले पार्टीको विधानअनुसार केन्द्रीय महिला विभागमा सच