दार्चुलामा मेलाबाट घर फर्किंदै गरेका सवार जीप दुर्घटना, '१२ जना घाइते'

  • प्रकाशित मितिः कार्तिक 20, 2076
  • 205 पटक पढिएको
  • औजार संवाददाता

दार्चुलामा जीप दुर्घटना हुँदा १२ जना घाइते भएका छन्। शैल्यशिखर नगरपालिका(६, चौतलीचौरमा बुधबार बिहान जीप दुर्घटना भएको हो।

लेकम गाउँपालिकाको रिठाचौपातामा पर्ने लटिनाथ मन्दिरमा लागेको जयपुरमा मेलाको अवलोकन गरी घर फर्किने यात्रु बोकेको से१ज ११३१ नम्बरको जिप दुर्घटनामा परेको मालिकार्जुन प्रहरी चौकीका प्रमुख प्रहरी सहायक निरीक्षक तेजबहादुर खड्काले जानकारी दिए। खड्काका अनुसार दुर्घटनामा परी घाइते भएकाहरुको अवस्था सामान्य छ।

शैल्यशिखर नगरपालिकाको पनेबाजबाट गोकुलेश्वरतर्फ गइरहेको जीप केही यात्रा सुरु गरेको केही समयमा नै दुर्घटनामा परेको प्रहरीले जनाएको छ।

जिप दुर्घटनामा परि मालिकार्जुन गाउँपालिका(२ भगवतीकी २० वर्षीया कलसी धामी र वडा नम्बर ३ बसेडीकी ३० वर्षीया कमला देवी धामीको टाउकोमा चोट लागेको छ।

मालिकार्जुन गाउँपालिका-२ का १८ वर्षीय हरिश सिंह धामी, १९ वर्षीय नरेश सिंह धामी, १८ वर्षीय रमेश सिंह धामी, २६ वर्षीया तुलसी धामी, २० वर्षीय खेम सिंह धामी, १८ वर्षीय पुष्कर सिंह धामी, ३० वर्षीय दान सिंह धामी, २० वर्षीय लोकेश सिंह धामी र मालिकार्जुन गाउँपालिका(३ का १७ वर्षीया मिना धामी तथा ४६ वर्षीय पदम सिंह धामी सामान्य घाइते भएका खड्काले जानकारी दिए।

जिप दुर्घटनाको कारण भने खुल्न नसकेको प्रहरीले जनाएको छ।

-एजेन्सी


वडाध्यक्ष सन्तोष लिम्बूले भने ‘गुण्डा’ ले ठूलो रकम र जग्गा मागे

धरान । धरान–५ का वडाध्यक्ष सन्तोष लिम्बूले वडामा निर्माणाधीन बहुउपयोगी योजना निर्माण सुरु गर्दा डन (गु

भोक्राहा नरसिंह गाउँपालिका भारतमा रहेका नागरिक ल्याउने तयारी गर्दै

इनरुवा । सुनसरीको सीमावर्ती क्षेत्र भोक्राहा नरसिंह गाउँपालिकाको विभिन्न वडामा घर भई विभिन्न कामले भार

एक नं. प्रदेशमा बजेट अधिवेशनकाे तयारी, मन्त्री तथा सांसदकाे स्वाब लिइदै

धरान । बजेट अधिवेशनकाे पूर्व संध्यामा काेराेना संक्रमणकाे जाेखिम नियन्त्रण तथा सुरक्षाका लागि अाज र भाे