चिया खान नदिने बिरुद्ध किटानी जाहेरी

  • प्रकाशित मितिः आश्विन 28, 2076
  • 327 पटक पढिएको
  • औजार संवाददाता

मोरङ । होटलमा सानो जाति भनेर चिया खान नदिने बिरुद्ध पिडितले प्रहरीमा किटानी जाहेरी दर्ता गराएका छन् ।
मोरङको पथरी शनिश्चरे नगरपालिका –४ बस्ने ६० बर्षिया डिमोने कामीले सोही नपा –४ नम्बर वडाका ६५ बर्षिय रुद्रबहादुर कटुवाल र ९ नम्बर वडाका ४५ बर्षिय टलकबहादुर पाण्डे बिरुद्ध सार्वजनिक होटलमा बसेर चिया खान नदिएको भन्दै प्रहरीमा जाहेरी दर्ता गराएका हुन् ।

पीडित डिमोने कामीले आफुलाई सार्वजनिक स्थलमा जातिय छुवाछुत गरेकोले पिडकहरुलाई जातिय छुवाछुत कसुर सजया ऐन २०६८ अनुसार कानुनी कार्वाही गर्न माग गरेका छन् ।ईलाका प्रहरी कार्यालय पथरीमा दर्ता भएको जाहेरी अनुसार २० असोज दिउँसो पथरी शनिश्चरे –९ स्थित शनिश्चरे बजारमा रहेको टलक बहादुर पाण्डेको चिया पसलमा डिमोने कामी चिया पिउन गएका थिए ।

तर आप्mनो पसलमा उच्च जातिका मान्छेहरु चिया पिउन आउने गरको भन्दै पसल धनी पाण्डेले डिमोनेलाई सानो जाति भएकोले बाहिर बसेर चिया पिउन भनेका थिए । तर डिमोनेले कानुनमा सबै बरावर हुन्छ बिभेद र छुवाछुत गर्न पाइदँैन भन्दा ‘कार्वाही गर्न सके गर’ भन्दै होटलवालाले उनलाई धकेलेर बहिर निकालिदिएका थिए । होटलवालाले भित्र बस्न नदिएपछि बाहिर बसेर चिया पिउन लाग्दा सानो जाति भएर आफुसँगै बसेर चिया पिउन लागेको भन्दै ग्राहक रुद्रबहादुर कटुवालले जातिय गाली गलौज गर्दै छुवाछुत गरेका थिए ।

आफु माथि अपमान जनक जातिय छुवाछुतको अपराध भएको भन्दै पिडित डिमोने कामीले न्यायका लागि बिभिन्न दलित संघसँस्था गुहारेका थिए । दसैको समय भएकोले तत्काल जाहेरी दिन नसकेपनि दसै सकिए लगत्तै दलित अधिकारकर्मीहरुको पहलमा सोमबार ईप्रका पथरीमा छुवाछुत गर्नेलाई कार्वाही माग्दै जाहेरी दिएको दलित गैरसरकारी सँस्था महासंघका केन्द्रिय बरिष्ठ उपाध्यक्ष गोपाल लकान्द्रिले बताए ।ईप्रका पथरीका ईन्चार्ज डिएसपी लक्ष्मी अधिकारीले छुवाछुत गर्नेहरु बिरुद्ध किटानी जाहेरी दर्ता भएको र मंगलबार अदालतबाट पक्राउ पुर्जी लिएर आरोपीहरुलाई पक्राउ गरि कानूनी कार्वाही चलाउने बताए । उनका अनुसार घटनाबारे बिश्वकर्मा एकता समाज मोरङ, दलित गैरसरकारी सँस्था महासंघ एक नम्बर प्रदेश , दलित सेवा संघ मोरङ, मुक्ति समाज र नेपाल दलित संघले ध्यानआर्कषण गराएका छन् । जातिय बिभेद तथा छुवाछुत कसुर सजाय ऐन २०६८ शंसोधित २०६२ अनुसार सार्वजनिक र निजी कुनै पनि स्थानमा जातिय छुवाछुत गर्नेलाई चार बर्ष सम्म कैद,५० हजार रुपैयाँ सम्म जरीवना र पिडितलाई तीन लाख रुपैयाँ सम्म क्षतिपुर्तिको व्यवस्था छ ।


वडाध्यक्ष सन्तोष लिम्बूले भने ‘गुण्डा’ ले ठूलो रकम र जग्गा मागे

धरान । धरान–५ का वडाध्यक्ष सन्तोष लिम्बूले वडामा निर्माणाधीन बहुउपयोगी योजना निर्माण सुरु गर्दा डन (गु

भोक्राहा नरसिंह गाउँपालिका भारतमा रहेका नागरिक ल्याउने तयारी गर्दै

इनरुवा । सुनसरीको सीमावर्ती क्षेत्र भोक्राहा नरसिंह गाउँपालिकाको विभिन्न वडामा घर भई विभिन्न कामले भार

एक नं. प्रदेशमा बजेट अधिवेशनकाे तयारी, मन्त्री तथा सांसदकाे स्वाब लिइदै

धरान । बजेट अधिवेशनकाे पूर्व संध्यामा काेराेना संक्रमणकाे जाेखिम नियन्त्रण तथा सुरक्षाका लागि अाज र भाे