खाजा खर्चको लागि कोशीको दाउरा

  • प्रकाशित मितिः आश्विन 5, 2076
  • 182 पटक पढिएको
  • कृष्ण बहाब भट्टराई

इटहरी । पुग नपुग पाँच फिटको उचाई । शरीर भन्दा दुई गुणा ठुलो दाउरा बोकेर १३ वर्षीय रविन चौधरी कोशीको स्पर (बाध) माथि उक्लिँदै थिए ।
स्थानीय सरस्वती माविमा कक्षा–८ मा पढ्छन् चौधरी । बाढी आएको थाहा पाउने बित्तिकै घर नजिकै रहेको कोशीमा दाउरा निकाल्न उनी जान्छन् ।भदौ अन्तिम साता मौसम प्रतिकुल थियो । पहाडी जिल्लामा पहिरोको गएको समाचार आइरहेको थियो । लगातारको बर्षातले धेरै काठ दाउरा कोशीले बगाएर ल्याएको थियो । चौधरीले पनि कोशीमा बाढि आएको छनक पाए ।

बाल दिवसकै दिन ठुलो बाढी कोशीमा आएको थियो । छुट्टीकै दिन परेकाले दाउरा निकाल्न बिहानै कोसी किनार पुगे उनी । पहाडबाट गड्गडिएर आउने कोशीको धमिलो पानी । धमिलो पानी सँगै बगेर आउने पहाडे काठ दाउरा । भदौरे भेलसँगै भदौरे घामले तताउने माहौलमा बाढीमा दाउरा निकाल्नेको कोशीमा ठुलो भिड थियो त्यो दिन । यस्तो भिड जसले सानोतिनो मेलाकै हैसियत राख्छ ।चौधरी भिडसँगै कोशीको किनारमा पसे । एक हातमा टाँगो (बास) लिएर मनग्ये दाउरा निकाले । ‘बाल दिवसको छुट्टीको बेला निकालेको हो यो त’ संविधान दिवसको दिन दाउरा थन्क्याउन कोसी आएका चौधरीले भने ’ आज पानी छुट्टी छ, यहाँ धेरै दिन दाउरा राख्यो भने विहारीहरूले फेरी कोशीमै दाउरा फाल्दिन्छ ।’

धेरै दिन कोशीको किनारमा राख्दा दाउरा चोरी हुने डर पनि हुन्छ । ‘यो दाउरा फाल्दियो भने त स्कुलको टिफिन चैट् हुन्छ नि ।’बर्खा याममा कोशीमा आउने बाढीले कोसी आसपासका जनतामा डरसँगै एउटा खुसिपनि सँगसँगै आउँछ । कालो बादलमा चाँदीको घेरा भने जस्तै बाढी सँगै आउने काठ पात दाउरा भने स्थानीयहरूको चाँदीको घेरा नै हो ।चाँदीको घेरालाई प्रयोग गर्ने क्षेत्र भने स्थानीयहरूको फरक –फरक छ । स्कुले उमेरका केटाकेटीहरूले खाजामा,युवाहरूले घर खर्च,गृहिणीहरूले वार्षिक इन्धनमा दाउरालाई प्रयोग गर्ने गर्छन् । बाढीले कटान गरेर जमिन लागेको पिर स्थानीयहरूले दाउरासँगै साट्छन् ।कोशीको किनारैमा घर भएका राजेश मोचि पनि कोशीको दाउराले नै घर व्यवहार टार्छन् । भदौ अन्तिम साता मोचिले एकै दिनमा ८ हजारको दाउरा बेचेका थिए । अस्ति धेरै दाउरा आएको थियो बिहान देखि बेलुका सम्मै निकालेको थिए,आज आठ हजारमा बेचे ।

कोशीले कटान गरेर दुःख दिए पनि वर्षभरि पुग्ने दाउरा बर्खाको समयमा स्थानीयहरूले निकाल्ने गरेका छन् । उमेर पुगेका युवाहरूले पौडी खेलेर समेत दाउरा निकाल्छन् । बालबालिका र महिलाहरूले भने टाँगोले निकाल्ने गर्छन् ।बल्छिको टुप्पोमा अर्को काठलाई जोडेर दाउरा अड्काउने बनाइएको हुन्छ । जसले त्यतिकै बगेर आएको दाउरा तान्ने वा भुमरीमा आएकोलाई निकाल्ने काम गर्छ । दाउरा खोज्नकै लागि डुङ्गाको समेत प्रयोग गरिन्छ । बाढीले आफ्नै ठाउँमा कटान लागे पनि स्थानीयहरू बाढीमा बगेर आएका दाउरा निकालेर बाढीबाट लाभ लिने गरेका छन् ।


उप निर्वाचन मार्फत काँग्रेसको नेतृत्व धरानवासीले चाहेका छन् (भिडियो सहित)

       अहिले धरान उप निर्वाचनमय भएको छ । राजनीतिक दलहरु चुनावी मैदानमा होमिएका छन् । आ–आफ्नो उम्मेद्

भूमिसुधार ऐन पनि आइसक्यो लगत पनि उठाइयाे अब कार्यविधि आएपछि सुकुम्बासीलाई धनीपूर्जा

धरान, ३ मंसिर । नेकपाका जिल्ला सदस्य तथा निर्वाचन परिचालन कमिटि धरानका सह संयोजक मुरारी सुवेदीले कार्यवि

पार्टीको सेटिङले खानेपानी अलपत्र ः समाजवादी उम्मेद्धवार

समाजवादी पार्टीका मेयर उम्मेदवार गजेन्द्र इस्बोले धरानमा समस्या रहेकाे मध्ये खानेपानी रहेकोले तत्काली