रोनाल्डो एक्लैले ४ गोल गरेपछि पोर्चुगलको शानदार, 'रोनाल्डोले बनाए नयाँ कीर्तिमान'

  • प्रकाशित मितिः भदौ 25, 2076
  • 457 पटक पढिएको
  • औजार संवाददाता

२५ भदौ स् युरो कप छनौटमा सुपरस्टार क्रिस्टियानो रोनाल्डोले एक्लैले ४ गोल गरेपछि पोर्चुगलले शानदार जित निकालेको छ । मंगलबार राति भएको खेलमा पोर्चुगलले लिथुनियालाई ५(१ गोल अन्तरले हराउँदा रोनाल्डो एक्लैले ४ गोल गरेका हुन् ।

खेल शुरु भएको सातौं मिनेटमा नै रोनाल्डोले पेनाल्टीमार्फत गोल गर्दै टोलीलाई अग्रता दिलाएका थिए । बक्समा लिथुनियाका खेलाडीले ह्यान्ड बेल गरेपछि पोर्चुगलले पोनाल्टी पाएको थियो । खेलको २८औं मिनेटमा लिथुनियाका खेलाडी भ्याटाउटासले हेडिङ गोल गर्दै खेल १–१ बनाएपछि पहिलो हाफ बराबरीमा सकियो ।

दोस्रो हाफमा पोर्चुगलले चार गोल थप्यो भने लिथुनियाले एक गोल पनि फर्काउन सकेन । दोस्रो हाफको १५ मिनेटको बीचमा रोलान्डोले ३ गोल गरे । उनले खेलको ६१औं, ६५औं र ७६औं मिनेटमा गोल गरे । उनले ह्याट्रिक बर्नान्डो सिल्भाको पासमा गरेको थिए भने चौथो गोल पनि सिल्भाको क्रस पासमै गरेका थिए ।

त्यसपछि खेलको इन्जुरी समयमा विलियन कार्भाहालोले गोल गरेपछि खेल पोर्चुगलले ५-१ ले जित्यो । रोनाल्डो युरो छनोटको सर्वाधिक गोलकर्ता

यो खेलमा ४ गोल गरेपछि रोनाल्डो युरो छनोटमा सर्वाधिक गोल गर्ने खेलाडी बनेका छन् । रोनाल्डोले आयरल्यान्डका रोबी किनको २३ गोलको कीर्तिमानलाई तोडेका हुन् ।

उनी पोर्चुगलको सर्वाधिक गोलकर्ता समेत हुन् । रोनाल्डोले हालसम्म १ सय ६० खेल खेल्दै ९३ अन्तर्राष्ट्रिय गोल गरेका छन् । अन्तर्राष्ट्रिय फुटबलमा सर्वाधिक गोलको कीर्तिमान इरानका अली दाइको नाममा रहेको छ । अलीले १ सय ४९ खेल खेल्दा १ सय ९ गोल गरेको किर्तिमान रहेको छ ।

-एजेन्सी


‘अभूतपूर्व एकताका कारण धरानमा चुनाव जित्न सफल’ : सभापति देउवा

धरान । पूर्वप्रधानमन्त्री एवं कांग्रेसका सभापति शेरबहादुर देउवाले अभुतपूर्व एकताका कारण धरानमा नेपाली

स्वर्गीय मेयर राईसँग जोडेर मेरो गलत प्रचारवाजी भयोः नेता आचार्य

धरान । नेपाल कम्यूनिष्ट पाटीका केन्द्रिय स्थायी कमिटी सदस्य एव्म १ नम्बर प्रदेश इन्चार्ज भीम आचार्यले दि

‘कम्युनिष्टले देश कब्जा गर्न खोजे’

दमक । नेपाली कांग्रेसका केन्द्रीय सदस्य प्रदीप पौडेलले कम्युनिस्टहरूले देश कब्जा गर्न खोजेको आरोप लगाए