उपमहानगरपालिका अन्तर कर्मचारी ब्याटमिन्टन प्रतियोगिता सुरु

धरान । धरान उपमहानगरपालिका अन्तर कर्मचारी ब्याटमिन्टन प्रतियोगिता शुक्रबारदेखि सुरु भएको छ ।
धरान नगर खेलकुद विकास समितिको आयोजनामा भएको ब्याटमिन्टन प्रतियोगितामा ३४ जना खेलाडीको सहभागीता रहेको समिति संयोजक सुवास राईले बताए । उनका अनुसार पुरुष डबल र महिला सिंगल विधामा स्पर्धा भइरहेको छ । पुरुष डबलका विजेताले नगद रु १० हजार, उपविजेताले ६ हजार र तेस्रो हुनेले २ हजार साथै महिला सिंगल तर्फको विजेताले ४ हजार, उपविजेताले २ हजार र तेस्रो हुनेले १५ सय नगद पुरस्कार प्राप्त गर्ने राईले बताए ।
ब्याटमिन्टन प्रतियोगिता संघिय इकाइ प्रहरी कार्यालयको ब्याटमिन्टन कोर्टमा भइरहेको छ भने फाइनल शनिबार हुने आयोजक समिति संयोजक सुवास राईले बताए ।

---